Disubane Beli ade nak nyayangin, ngude Beli ade ngelah keneh ngalih ane lenan, tat kale beli nepukin anak luh ne jegegan. Ade rase tresne di keneh Beline kapining anak luh ane totonan to, kanti Beli nyidayang ngengsapang dewek Adine sane sanget tresne kapining ragan Beli.
Sujatine, Beli sanget sayang, sanget tresne kapining ragan Adi,
Sujatine, tuah Adi sane setate ngisinin keneh Beli.
Kudang tiban kaden irage sing taen mepalasan, kudang tiban kaden sube irage saling sayang lan saling tresnain, ragan Adi setate nyarengin Beli diapin suka lan duka. Nanging ne jani, Beli lakar metilar ngalahin ragan Adi, ampurayang beli Adi....!, Sampunang Adi memedih, sampunang Adi sebet, to tuah base-base tresne Adi. De nyan adi kanti ngetelang yeh mate ulian Beli lakar ngalahin ragan Adine.
Care sesenggake, ade ane ngorahang, "Nasi Sudah Menjadi Bubur", ne jani ragan Beli sube tusing nyidayang buin lakar nyarengin dewek Adine, Beli nak mule saje pelih kapining Adi, keliwat pelih, Adi. Minab ne kaden ane madan "Jodoh di tangan Tuhan", Beli, Adi tur mekejang Manuse ane hidup di gumine tusing je nawang, ken-ken unduke ane mani puan.
Nah Adi, dumadak je Adi preside nemuang rase Bagia sareng muani ane lenan, de buin Adi ngarepang dewek Beline. Nanging, setonden Beli mepamit lakar ngalahin Adi, misadye Beli nunas kapining ragan Adi, mangde Adi preside ngengsapang dewek Beline sane nyakitin hati, sane ngaenang adi sengsare.
yen orahang jelek, mule paling jelek dewek Beline.
yen orahang pelih, mule Beli keliwat pelih kapining ragan Adi.
uli malu Beli setate ngorahang sayang kapining ragan Adi, nanging uli duri las keneh Beli nusukin ragan Adi. Beli state nyampahang Adi, Beli state nyelekan dewek Adine. Nanging Adi tusing taen melihang dewek Beli.
Jujur Beli ngorahang kapining ragan Adi, "JUJUR" Beli nu sayang lan tresne teken Adi. Tresnan Beli tusing je taen luntur kapining ragan Adi.
Ampurayang Beli Adi, sayang Adine kapining dewek Beli ne jani sube mebuah sengsare.
Beli mepamit Adi,.......
Ampurayang Beli Adi,.......
Ampurayang Beli,.......
I Wayan Andreas Dwipayana
